ఏపీ ఈసెట్ 2023 పరీక్ష వాయిదా (AP ECET 2023 Exam Postponed): ఏపీ ఈసెట్ 2023 పరీక్ష జూన్ 20కి వాయిదా పడింది. జవహర్‌లాల్ నెహ్రూ టెక్నలాజికల్ యూనివర్సిటీ, కాకినాడ AP ఇంజనీరింగ్ కామన్ ఎంట్రన్స్ టెస్ట్ పరీక్ష తేదీని జూన్ 20, 2023కి వాయిదా (AP ECET 2023 Exam Postponed) వేసింది. మొదటి షెడ్యూల్ ప్రకారం పరీక్ష మే 5, 2023న జరగాల్సి ఉంది. పరీక్ష కోసం విజయవంతంగా రిజిస్టర్ చేసుకున్న అభ్యర్థులు ఈ పరీక్షకు తప్పనిసరిగా హాజరు కావాలి. అభ్యర్థులు నోటిఫికేషన్, పరీక్ష సిలబస్, ఇతర పూర్తి వివరాలను ఇక్కడ తెలుసుకోండి. 

AP ECET 2023 పరీక్ష రెండు సెషన్‌లలో జరుగుతుంది. ఉదయం 9 గంటల నుంచి  మధ్యాహ్నం 12 గంటల వరకు, మధ్యాహ్నం 3 గంటల నుంచి సాయంత్రం 6 గంటల వరకు పరీక్షలు జరుగుతాయి.పేపర్ మొత్తం 200 మార్కులకు జరుగుతుంది. మొత్తం 200 ప్రశ్నలు ఉంటాయి. పాలిటెక్నిక్‌ కోర్సుల్లో ప్రవేశాల కోసం AP ECET 2023ని నిర్వహించడం జరుగుతుంది.

ఏపీ ఈసెట్ 2023 ముఖ్యమైన తేదీలు (AP ECET 2023 Exam Dates)

AP ECET 2023 కోసం రిజిస్ట్రేషన్లు మార్చి 10, 2023 నుంచి ప్రారంభమయ్యాయి. ఆలస్య రుసుము లేకుండా ఏప్రిల్ 10, 2023న ముగిశాయి. కరెక్షన్ విండో ఏప్రిల్ 20, 2023 నుంచి  ఏప్రిల్ 22, 2023 వరకు ఓపెన్ అయ్యి ఉంది. రూ.5000 ఆలస్య ఫీజుతో ఆన్‌లైన్ దరఖాస్తును సబ్మిట్ చేయడానికి  ఏప్రిల్ 24 చివరి తేదీ. హాల్ టికెట్లు జూన్ 12, 2023న జారీ చేయబడతాయి. పరీక్ష ఆన్సర్ కీ జూన్ 23, 2023న విడుదలవుతుంది. 


 AP ECET 2023 సిలబస్ కోసం అభ్యర్థులు అధికారిక వెబ్‌సైట్ cets.apsche.ap.gov.inలో చూడొచ్చు.  AP ECET సిలబస్ PDFలో అందుబాటులో ఉంది. మాక్ టెస్ట్‌లను, మోడల్ ప్రశ్నాపత్రాలను కూడా ప్రాక్టీస్ చేయవచ్చు.  AP ECET 2023 జూన్ 20న నిర్వహించాల్సి ఉన్నందున కౌన్సెలింగ్ ప్రక్రియ జూలైలో ప్రారంభమవుతుందని, జూలై మొదటి వారంలో రిజల్ట్స్ విడుదల చేయబడుతుందని భావిస్తున్నారు. 

తెలుగులో మరిన్ని వివరాల కోసం https://www.collegedekho.com/te/news/ ఈ లింక్‌పై క్లిక్ చేయండి.