Indian Navy Agniveer Recruitment 2023: 1365 అగ్నివీర్ పోస్టులకు నోటిఫికేషన్, దరఖాస్తు చేసుకోవడానికి చివరి తేదీ ఎప్పుడంటే?
ఇండియన్ నేవీ నుంచి 1365 అగ్నివీర్ పోస్టుల భర్తీకి (Indian Navy Agniveer Recruitment 2023) నోటిఫికేషన్ విడుదలైంది. ఈ ఉద్యోగాలకు అభ్యర్థులు జూన్ 15, 2023వ తేదీలోగా దరఖాస్తు చేసుకోవాలి. పూర్తి వివరాలు ఇక్కడ తెలుసుకోండి.
ఇండియన్ నేవీ అగ్నివీర్ రిక్రూట్మెంట్ 2023 (Indian Navy Agniveer Recruitment 2023): ఇండియన్ నేవీ మొత్తం 1365 పోస్టుల కోసం అగ్నివీర్స్ రిక్రూట్మెంట్ కోసం అధికారిక నోటిఫికేషన్‌ను రిలీజ్ చేసింది. ఇండియన్ నేవీ అగ్నివీర్ SSR 02/2023 బ్యాచ్‌లో రిజిస్ట్రేషన్ కోసం అవివాహిత పురుష, మహిళా అభ్యర్థుల నుంచి ఆన్‌లైన్ దరఖాస్తులు కోరడం జరిగింది. ఇండియన్ నేవీ అగ్నివీర్ SSR రిక్రూట్మెంట్ కోసం దరఖాస్తు చేయడానికి ఆన్‌లైన్ లింక్ 29 మే 2023 నుంచి యాక్టివేట్ అయింది. ఆసక్తి, అర్హత ఉన్న అభ్యర్థులు జూన్ 15, 2023వ తేదీలోగా అప్లై చేసుకోవచ్చు. ఇండియన్ నేవీ అగ్నివీర్ SSR రిక్రూట్మెంట్ 2023కి సంబంధించిన వివరణాత్మక అర్హత ప్రమాణాలు, ఎంపిక ప్రక్రియ, ఇతర ముఖ్యమైన సమాచారాన్ని ఇక్కడ అందజేశాం.
ఇండియన్ నేవీ SSR రిక్రూట్మెంట్ 2023 ఓవర్ వ్యూ (Indian Navy SSR Recruitment 2023 Overview)
ఇండియన్ నేవీ SSR రిక్రూట్మెంట్ 2023, 1365 పోస్టులకు సంబంధించిన పూర్తి వివరాలను ఈ దిగువున అందజేయడం జరిగింది.| కండక్టింగ్ బాడీ | ఇండియన్ నేవీ |
| పోస్టులు | అగ్నివీర్ పోస్టులు |
| ఖాళీల సంఖ్య | 1365 |
| నోటిఫికేషన్ రిలీజ్ డేట్ | మే 19, 2023 |
| అప్లికేషన్ ప్రారంభ తేదీ | మే 29, 2023 |
| దరఖాస్తు చేసుకోవడానికి చివరి తేదీ | జూన్ 15, 2023 |
| ఏరియా సర్వీస్ | ఇండియన్ నేవీ |
| జీతం | మొదటి సంవత్సరం రూ.30,000 రెండో సంవత్సరం రూ.33,000 మూడో సంవత్సరం రూ.36,500లు |
| అధికారిక వెబ్‌సైట్ | https://indiannavy.nic.in |
ఇండియన్ నేవీ SSR అర్హత ప్రమాణాలు 2023 (Indian Navy SSR Eligibility Criteria 2023)
- మ్యాథ్స్, ఫిజిక్స్ ప్రధాన సబ్జెక్టులుగా కెమిస్ట్రీ, బయాలజీ, కంప్యూటర్ సైన్స్‌లో ఏదో ఒక సబ్జెక్టుగా ఇంటర్మీడియట్ లేదా తత్సమాన కోర్సు పాసై ఉండాలి.
- అభ్యర్థి 01-11-2002 నుంచి 31-04-2005 మధ్యలో పుట్టి ఉండాలి. అవివాహిత పురుష, మహిళా అభ్యర్థులు మాత్రమే దరఖాస్తు చేసుకోవాలి.
- అగ్నివీరులుగా ఎంపికైన అభ్యర్థులకు ఒడిశా రాష్ట్రంలో ఐఎన్ఎస్ చిల్కాలో వచ్చే ఏడాది నవంబర్ 2023లో కోర్సు శిక్ష ప్రారంభమవుతుంది. శిక్షణ విజయవంతంగా పూర్తి చేసుకున్న తర్వాత ఆయా విభాగాల్లో విధులు కేటాయిస్తారు.
ఇండియన్ నేవీ రిక్రూట్మెంట్ 2023 కంప్యూటర్ ఆధారిత పరీక్ష (Indain Navy Recruitment 2023 Computer Based Test)
ఈ పోస్టులకు అభ్యర్థులను షార్ట్ లిస్టింగ్, కంప్యూటర్ ఆధారిత ఆన్‌లైన్ పరీక్ష (CBE), రాత పరీక్ష, శారీరక దారుఢ్య పరీక్ష, వైద్య పరీక్షల ఆధారంగా ఎంపిక చేయడం జరుగుతుంది.- కంప్యూటర్ పరీక్ష క్వశ్చన్ పేపర్ హిందీ, ఇంగ్లీష్ భాషల్లో మొత్తం 100 మల్టిపుల్ ప్రశ్నలుంటాయి. ఒక్కొక్కటి ఒక మార్కు చొప్పున 100 మార్కులకు ఉంటుంది. ఇంగ్లీష్, సైన్స్, మ్యాథ్స్, జనరల్ అవేర్‌నెస్ నాలుగు విభాగాల్లో ఇంటర్ స్థాయిలో ప్రశ్నలు ఉంటాయి. పరీక్ష వ్యవధి ఒక గంట. నెగిటివ్ మార్కింగ్ విధానం అమల్లో ఉంది. నాలుగు తప్పు సమాధానాలకు ఒక మార్కు తీసేస్తారు.