ఏపీ విద్యార్థులకు పండుగే.. ఇకపై స్కూళ్లకు బ్యాగులు తీసుకెళ్లక్కర్లేదు (No Bag Day in AP)
ఆంధ్రప్రదేశ్లో (No Bag Day in AP) పాఠశాల విద్యార్థులకు ప్రభుత్వం తీపి కబురు చెప్పింది. పాఠశాలల్లో ఈ నిర్ణయం త్వరలో అమలు కానుంది. పూర్తి వివరాలు ఇక్కడ అందించాం.

ఏపీలో నో బ్యాగ్ డే (No Bag Day in AP) : ఆంధ్రప్రదేశ్లో విద్యార్థులకు ప్రభుత్వం గుడ్న్యూస్ చెప్పింది. ఇక నుంచి ప్రతి శనివారం పాఠశాల విద్యార్థులు బ్యాగులు తీసుకెళ్లాల్సిన అవసరం లేదు. సమీక్షా సమావేశంలో మంత్రి నారా లోకేష్ ఈ నిర్ణయం తీసుకున్నారు. పాఠశాల విద్యార్థులు బ్యాగుల బరువును తగ్గించాలనే ఉద్దేశంతో ప్రతి శనివారం బ్యాగ్లెస్ డేగా (No Bag Day in AP) ప్రకటించారు. అయితే ఈ నిర్ణయం పాఠశాలల్లో త్వరలోనే అమలు కానుంది. అయితే No Bag Day అమలు చేసే రోజున విద్యార్థుల కోసం ఎలాంటి కార్యక్రమాలు చేపట్టాలనే దానిపై ఇంకా నిర్ణయం తీసుకోలేదు.
No Bag Day రోజున నిర్వహించాలనుకునే కార్యక్రమాల గురించి రూపొందించాలని విద్యాశాఖ అధికారులను మంత్రి నారా లోకేష్ ఆదేశించారు. ఇదే సమయంలో గత ప్రభుత్వంలో తీసుకొచ్చిన జీవో 117 ఉపసంహరణపై ఉపాధ్యాయులు, ఉద్యోగ సంఘాల నుంచి అభిప్రాయాలు తెలుసుకోవాలని నారా లోకేష్ సూచించారు. పాఠశాలా, ఇంటర్మీడియట్ విద్యపై సమీక్షలో ప్రభుత్వ ఉత్తర్వు (GO) 117 ఉపసంహరణపై క్షేత్రస్థాయిలో ఉపాధ్యాయులు, వివిధ సంఘాల నుంచి అభిప్రాయాలను సేకరించి, అందరికీ ఆమోదయోగ్యమైన పరిష్కారాన్ని సూచించాలని మంత్రి అధికారులను కోరారు. పాఠశాల విద్యా సంచాలకులు నిర్వహించిన సన్నాహక సమావేశాల్లో వచ్చిన అభిప్రాయాలు, సూచనలను అధికారులు వివరించారు. అదేవిధంగా ఈ సూచనలన్నింటినీ అధ్యయనం చేసి విద్యార్థులు డ్రాప్ అవుట్లు లేకుండా చూసేందుకు చర్యలు తీసుకోవాలని మంత్రి అధికారులను ఆదేశించారు.
అనేక యాప్ల స్థానంలో ఉపాధ్యాయుల కోసం ఒకే యాప్ను రూపొందించాలని మంత్రి నారా లోకేష్ అధికారులను ఆదేశించారు. రాష్ట్రంలోని వివిధ పాఠశాలలకు చెందిన విద్యార్థుల వాస్తవ సంఖ్యను ధ్రువీకరించడానికి APAAR IDని రూపొందించే కసరత్తును త్వరగా పూర్తి చేయాలని, అంతే కాకుండా ఆంధ్రప్రదేశ్ మోడల్ ఆఫ్ ఎడ్యుకేషన్ బ్లూప్రింట్ను కూడా రూపొందించాలని మంత్రి అధికారులకు సూచించారు.
తెలుగులో మరిన్ని ఎడ్యుకేషన్, రిక్రూట్మెంట్ వార్తల కోసం College dekho వెబ్సైట్ని చూడండి. ఎప్పటికప్పుడు తాజా అప్డేట్లను పొందండి.
Keep visiting CollegeDekho for the latest Education News on entrance exams, board exams and admissions. You can also write to us at our email ID news@collegedekho.com.
