టీఎస్ ఎంసెట్ 2023 అధికారిక వెబ్‌సైట్  ప్రారంభం: తెలంగాణ స్టేట్ కౌన్సిల్ ఆఫ్ హయ్యర్ ఎడ్యుకేషన్ (TSCHE) తెలంగాణ ఎంసెట్ 2023 అధికారిక వెబ్‌సైట్‌‌ని (https://eamcet.tsche.ac.in) నేడు  (ఫిబ్రవరి 28, 2023) ప్రారంభించింది. తెలంగాణ ఎంసెట్ 2023 రిజిస్ట్రేషన్ ప్రక్రియ మార్చి 3, 2023న ప్రారంభమవుతుంది. అభ్యర్థులు కోసం అప్లికేషన్ ఏప్రిల్ 10వ తేదీ వరకు ఆన్‌లైన్‌‌లో అందుబాటులో ఉంటుంది. తెలంగాణ స్టేట్ ఇంజనీరింగ్, అగ్రికల్చర్, మెడికల్ కామన్ ఎంట్రన్స్ టెస్ట్ లేదా టీఎస్ ఎంసెట్ ప్రతి సంవత్సరం JNTU, హైదరాబాద్ ద్వారా నిర్వహించబడే రాష్ట్ర స్థాయి ప్రవేశ పరీక్ష. తెలంగాణ స్టేట్ కౌన్సిల్ ఆఫ్ హయ్యర్ ఎడ్యుకేషన్ (TSCHE) తరపున జవహర్‌లాల్ నెహ్రూ టెక్నలాజికల్ యూనివర్సిటీ టీఎస్ ఎంసెట్‌ 2023ని నిర్వహిస్తుంది.  ఈ ఏడాది తెలంగాణ ఎంసెట్ 2023 పరీక్ష మే 7 నుంచి 11, 2023 వరకు (ఇంజనీరింగ్ పరీక్ష), మే 12 నుంచి 14, 2023 (వ్యవసాయం) వరకు జరగాల్సి ఉంది. 

టీఎస్ ఎంసెట్ 2023లో అర్హత సాధించిన అభ్యర్థులకు తెలంగాణ రాష్ట్రంలోని యూనివర్సిటీ, ప్రైవేట్ కాలేజీల్లో అందించే వివిధ ప్రొఫెషనల్ కోర్సుల్లో ప్రవేశం కల్పించడం జరుగుతుంది. ఇంజనీరింగ్, మెడికల్. అగ్రికల్చర్ రంగంలోని UG కోర్సులలో అడ్మిషన్లు అందించబడుతుంది. 

టీఎస్ ఎంసెట్ 2023 అప్లికేషన్ విధానం 

• టీఎస్ ఎంసెట్ 2023 రిజిస్ట్రేషన్ ప్రక్రియ 3 మార్చి 2023 నుంచి ప్రారంభమవుతుంది
• అభ్యర్థులు ఆన్‌లైన్‌ పద్ధతిలో అప్లికేషన్‌ని సబ్మిట్ చేయాలి 
• అభ్యర్థులు ముందుగా https://eamcet.tsche.ac.in వెబ్‌సైట్‌‌ని సందర్శించాలి
• ముందుగా అభ్యర్థులు TS EAMCET 2023 రిజిస్ట్రేషన్ ఫీజు చెల్లించాలి.అభ్యర్థులు దరఖాస్తు ఫీజును ఆన్‌లైన్ సెంటర్ల ద్వారా, డెబిట్, క్రెడిట్, నెట్ బ్యాంకింగ్ ద్వారా చెల్లించవచ్చు
• ఎస్సీ, ఎస్టీ, దివ్యాంగులకు రూ.500; ఇతరులకు రూ.900గా దరఖాస్తు ఫీజు చెల్లించాల్సి ఉంటుంది. 
• పేమంట్ విజయవంతంగా పూర్తి చేసిన తర్వాత వెబ్‌సైట్‌లోకి లాగిన్ అయి దరఖాస్తును పూరించాలి.
• అప్లికేషన్‌లో అభ్యర్థులు తమ పూర్తి వివరాలను అందించాలి.
• అప్లికేషన్ సబ్మిట్ చేసే ముందు అన్ని వివరాలు సరిగ్గా ఉన్నాయో? లేదో? చెక్ చేసుకోవాలి 
• తర్వాత అభ్యర్థులు అప్లికేషన్‌లో స్కాన్ చేసిన ఫోటోలను అప్‌లోడ్ చేయాలి. 
• ఫిల్ చేసిన దరఖాస్తు ఫార్మ్‌ని, ఫీజు రసీదుని ప్రింట్ తీసుకుని భవిష్యత్తు సూచన కోసం సేవ్ చేసుకోవాలి. 
• అభ్యర్థి అర్హతలు సరిగ్గా లేకపోతే, ఏదైనా తప్పుడు లేదా తప్పు వివరాలు అందించబడితే లేదా చివరి తేదీ తర్వాత సబ్మిట్ చేస్తే దరఖాస్తు తిరస్కరించబడుతుంది.

టీఎస్ ఎంసెట్ 2023 పరీక్షా తేదీలు 

టీఎస్ ఎంసెట్ 2023 పరీక్షలు మే ఏడో తేదీ నుంచి 11వ తేదీ వరకు జరగనున్నాయి. టీఎస్ ఎంసెట్‌కు సంబంధించిన ముఖ్యమైన తేదీల గురించి ఈ దిగువున అందించడం జరిగింది. 

టీఎస్ ఎంసెట్ 2023కు సంబంధించిన మరిన్ని వివరాలను  కాలేజ్ దేఖో‌ని ఫాలో అవుతూ ఉండండి