![APPSC Group 2 Exam Instructions 2024: 25న APPSC Group 2 ప్రిలిమ్స్ ఎగ్జామ్, పరీక్షకు హాజరవుతున్న అభ్యర్థులకు ఈ విషయాలు తెలుసా?](https://media.collegedekho.com/media/img/news/APPSC_Group_2_Exam_Instructions_2024.png?height=310&width=615)
ఏపీపీఎస్సీ గ్రూప్ 2 పరీక్ష సూచనలు 2024 (APPSC Group 2 Exam Instructions 2024): ఏపీపీఎస్సీ గ్రూప్ 2 ప్రిలిమ్స్ పరీక్ష 2024 ఫిబ్రవరి 25న జరగనుంది. దీనికి సంబంధించిన ఏర్పాట్లు కూడా జరుగుతున్నాయి. అభ్యర్థులు కూడా పరీక్షకు బాగా ప్రిపేర్ అవుతున్నారు. ఈ పరీక్షకు దాదాపు 4 లక్షల 83 వేల 525 మంది దరఖాస్తు చేసుకున్నారు. దాదాపుగా 45 వేల మంది అభ్యర్థులు మెయిన్స్ పరీక్షకు సెలక్ట్ అయ్యే అవకాశం ఉంది. APPSC Group 2 ప్రిలిమ్స్ పరీక్ష (APPSC Group 2 Exam Instructions 2024) ఆబ్జెక్టివ్ తరహాలో ఆఫ్లైన్లో ఉంటుంది. కొత్త సిలబస్ ఆధారంగానే ఈసారి APPSC Group 2 పరీక్ష నిర్వహించనున్నారు. అభ్యర్థులు జనరల్ స్టడీస్, మెంటల్ ఎబిలిటీలో 150 ఆబ్జెక్టివ్ ప్రశ్నలకు 2.30 గంటల్లో OMR షీట్పై సమాధానాలు గుర్తించాలి. ప్రిలిమ్స్ పరీక్షలో ఎంపికైన అభ్యర్థులు APPSC Group 2 మెయిన్స్కు అర్హులవుతారు.
ఏపీపీఎస్సీ గ్రూప్ 2 పరీక్ష 2024 అభ్యర్థులకు సాధారణ సూచనలు (APPSC Group 2 Exam 2024 General Instructions to Candidates)
ఏపీపీఎస్సీ గ్రూప్ 2 పరీక్ష 2024కు ఇంకా కొన్ని రోజులు మాత్రమే ఉంది. అయితే ఈ పరీక్షకు హాజరయ్యే అభ్యర్థులు కచ్చితంగా కొన్ని సూచనలు పాటించాల్సి ఉంటుంది. ఈ సూచనలు ఫాలో అవ్వడం ద్వారా పరీక్షలో ఎటువంటి గందరగోళానికి గురికారు.- ఏపీపీఎస్సీ గ్రూప్ 2 ప్రిలిమ్స్ పరీక్షకు హాజరైనంత మాత్రాన అభ్యర్థులు ఉద్యోగాలకు సెలక్ట్ అయినట్టు కాదు. ప్రిలిమ్స్లో ఎంపికైన అభ్యర్థులు ఏపీపీఎస్సీ మెయిన్ 2024 పరీక్షను రాయాల్సి ఉంటుంది.
- పరీక్షా కేంద్రానికి అభ్యర్థులు ఎలాంటి ఎలక్ట్రానిక్ పరీక్షరాలు తీసుకెళ్లకూడదు. అంటే సెల్ఫోన్లు, కాలిక్యులేటర్లు, టాబ్లెట్లు, ఐప్యాడ్, బ్లూటూత్, పేజర్లు, ఎలక్ట్రానిక్ వాచీలు తీసుకెళ్లేందుకు అనుమతి లేదు.
- ఏపీపీఎస్సీ గ్రూప్ 2 ప్రిలిమ్స్ పరీక్షను రాసేటప్పుడు అభ్యర్థులు క్రమబద్ధంగా, క్రమశిక్షణతో ప్రవర్తించాలి. సరైన డ్రెస్లు ధరించి వెళ్లాలి.
- ఏపీపీఎస్సీ గ్రూప్ 2 ప్రిలిమ్స్ పరీక్షలో ఎటువంటి అక్రమాలకు పాల్పడకూడదు. అభ్యర్థులు ఎటవంటి కాపీలు చేయకూడదు. అలాగే చేస్తే పరీక్ష రాసేందుకు అనర్హులవుతారు.
- పూర్తిగా అంధులైన అభ్యర్థుల కోసం రాయడానికి ఒకరిని ప్రత్యేకంగా కేటాయిస్తారు. అంతేకాదు పరీక్షలో గంటకు 20 నిమిషాల అదనపు సమయం వారికి అందజేయడం జరుగుతుంది.
- దరఖాస్తుదారులు వైకల్యం శాతానికి సంబంధించిన సర్టిఫికెట్ అందించాల్సి ఉంటుంది.
- అభ్యర్థులు హాల్ టికెట్పై పేరు, హోదా, చిరునామా, అతని ఫోటోను ధ్రువీకరించాలి. ఏవైనా దిద్దుబాట్లు ఉంటే ముందుగానే అభ్యర్థులు ఆ పొరపాట్లను సరి చేసుకోవాలి.
- హాల్టికెట్ ఫోటో లేకుండా ఉండకూడదు. పాస్పోర్ట్ సైజ్ ఫోటని అటెస్ట్ చేయాలి.
- అభ్యర్థుల హాల్టికెట్పై ఫోటో, గెజిటెడ్ అధికారి ద్వారా ధ్రువీకరణ ఉండాలి.
- అవసరమైన పేపర్లపై అభ్యర్థులు తమ సంతకాన్ని చేయాలి. ఇన్విజిలేటర్ సంతకాన్ని పొందాలి
- పూర్తి సమయం ముగిసే వరకు అభ్యర్థులెవరూ పరీక్ష హాల్ నుంచి బయటకు వెళ్లకూడదు.