TS EAMCET 2024 కోసం సాధారణ టిప్స్
TS EAMCET 2024 ప్రిపరేషన్‌కి జనరల్ టిప్స్ ఈ దిగువున చూడండి..
ఇంజనీరింగ్, మెడికల్, అగ్రికల్చర్ కోర్సుల్లో ప్రవేశాల కోసం TS EAMCET2024 ప్రవేశ పరీక్షను నిర్వహిస్తుంటారు. ఈ ఏడాది మే 10,2024 నుంచి టీఎస్ ఎంసెట్ పరీక్షలు జరుగుతాయి.
కాన్సెప్ట్ కీలకం
ఎంట్రన్స్ పరీక్షలు చాలా వరకు సబ్జెక్టుల ప్రాథమిక భావనలపై అభ్యర్థుల అవగాహనను పరీక్షించే లక్ష్యంతో ఉంటాయి. అందువల్ల అభ్యర్థులు ముఖ్య అంశాలను అర్థం చేసుకోవడంపై దృష్టి పెట్టాలి.
మీ బలమైన, బలహీనమైన పాయింట్లను తెలుసుకోండి
మీరు పోటీ పరీక్షలకు ప్రిపేర్ అవుతున్నప్పుడు మీ బలాలు, బలహీనమైన పాయింట్లను తెలుసుకోవడం చాలా ముఖ్యం. పరీక్ష సిలబస్ను చదువుతున్నప్పుడు అభ్యర్థులు తమకు తాము ఏ అంశాలపై పట్టు ఉందో? ఏ టాపిక్స్‌పై బలహీనంగా ఉన్నారో గుర్తించాలి. దీనివల్ల ఏ అంశాలపై ఎక్కువ శ్రద్ధ పెట్టాలో నిర్ణయించుకోవచ్చు. దానికనుగుణంగా స్టడీ ప్లాన్‌ని మార్చుకోవచ్చు.
రెగ్యులర్ ప్రాక్టీస్
మీ ప్రిపరేషన్‌లో ఒక మెట్టుపైకి వెళ్లడానికి ఉత్తమ మార్గాల్లో ఒకటి రోజూ ప్రశ్నలను ప్రాక్టీస్ చేయడం. ప్రశ్నలను క్రమం తప్పకుండా పరిష్కరించడం ద్వారా వేగం, కచ్చితత్వం మెరుగుపడతాయి. మీరు పరీక్ష కోసం ప్రశ్నలను ప్రాక్టీస్ చేయడానికి ఆన్‌లైన్‌లో అందుబాటులో ఉన్న వివిధ పుస్తకాలు, శాంపిల్ పేపర్ల సహాయం తీసుకోవచ్చు.
విరామాలు తీసుకోవడం
TS EAMCET2024 కోసం చదువుతున్నప్పుడు చిన్న చిన్న విరామాలు తీసుకోవడం ముఖ్యం. చదువుకుంటున్న తరుణంలో మధ్య మధ్యలో కొద్దిసేపు విరామం తీసుకోవచ్చు. చిన్న విరామాలు, విశ్రాంతి తీసుకోవడంతో ఒత్తిడి, ఆందోళన తగ్గుతాయి.
